Bohol News Daily

DOH nipasidaan batok sa skin diseases karong summer

TAGBILARAN CITY, Bohol, May 07 (PIA)–Nipasidaan ang Department of Health (DOH) sa publiko nga mag-amping sa mga sakit sa panit nga mahimong makuha tungod sa ting-init.

Matud pa sa DOH, dali kitang matakdan sa mga sakit sa panit karong panahona tungod sa kainit sa panahon.

Pipila sa mga sakit nga mahimong makuha ang hubag-hubag, hadhad, an-an, alipunga ug buni tungod sa singot karong ting-init.

Tambag sa DOH, malikayan kini kun magpabiling limpyo ang atong lawas. (PIA-Bohol/ecb)