GITAMBAGAN sa Department of Foreign Affairs (DFA) ang mga Pilipino nga i-oktaba una
ang pag-biyahe sa Yemen, Libya ug Bahrain kung dili importante ang ilang lakaw.
Matud pa sa tigpamaba sa DFA nga si Ed Malaya, mahimo nilang i-rekomenda sa
Department of Labor and Employement ang deployment ban sa mga Overseas Filipino
Worker (OFW) sa maong mga nasud sa Middle East hangtud molinaw na ang sitwasyon
didto diin may mga nahitabong bayolenteng demonstrasyon.
Kagahapon, gibarugan sa Department of Foreign Affairs (DFA) nga dili pa kinahanglang
ibakwit ang mga OFW’s nga naa sa Libya, Yemen ug Bahrain.
Matud pa sa DFA, nagpabiling luwas ang may 26,000 ka Pinoy sa Libya , 1,400 OFWs sa
Yemen ug may 31,000 pa sa Bahrain.
Nagbutang ang DFA og 24-hour crisis monitoring team sa mga Embahada ug Konsulado nga
sakop sa maong tulo ka Arab nations.
Gisiguro usab ni Vice Consul Jose Garcia, ang Phl Consulate sa Libya nga andam na usab
ang ilang contingency plans alang sa mga Pinoy nga napiit sa kagubot sa maong lugar.
(ecbPIABohol)
