DepEd mipadayag sa 12 ka tuig Nga elementarya ug high school

KON I-apil of kwenta ang pugos nga pre-school, mahimong 13 ka tuig una ang sagubangon sa usa ka magtutuon nga Pinoy sa dili pa sita makatungtong sa kolehiyo, kini sa pagpatuman sa grade 1 ngadto sa grade 12 gikan sa 6 ka tuig sa elementarya ug 4 ka tuig sa high school.
Kini maoy gibutyag sa Department of Education (DepEd) alang sa usa ka ambisyoso nga 12 ka tuig nga batakang laraw sa edukasyon, pinaagi ni DepEd undersecretary Isagani Cruz.
Ang laraw nga gipadayag ni Cruz gihinganlan og “K+12 Basic Education Cycle” ug magdungag og 2 ka tuig sa batakang curriculum sa edukasyon aron apson ang katakus nga makuha sa mga magtutuon sa nag-una ug nag-ugmad nga mga nasud.
Sa pagkakaron, ang Pilipinas na lang og ang Myanmar ang nagpatuman sa ubos pa sa 11 ka tuig sa pagtungha.
Kini nagpasabot nga ang angay matun-an sa average nga estudyante sa 12 ka tuig, gikuha lamang sa mga tunghaan sa Pilipinas sa 10 ka tuig.
Bisan sa 12 ka tuig na nga pagtungha, padayonon pa gihapon ang pugos nga pre-school o kindergarten sa dili pa ang 12 ka tuig.
Ubos sa laraw sa K+12, ang Grade 1 nagdto sa Grade 7, alang sa mga bata nga nag-pauigon og 6 ngadto sa 12 og tawgon og elementary level. Ang Grade 8 ngadto sa Grade 10, mao nay Junior High School Level.
Ang Grades 11 ngadto sa garde 12 mao nat “specialized High School” o “Junior College.”
Human sa 12 ka tuig, ang mitapos sa high school mahimo na nga makatrabaho kay may igo nga nga katakus ug nagpanuigon nag 18. (PIABohol)

Submit a Comment