Bohol News Daily

Debate sa RH Bill isentro sa isyu – Palasyo

Tagbilaran City, May 16 (PIA) – Nanawagan kagahapon ang Malacañang sa mga kritiko ug
supak sa reproductive health bill sa pagkalma ug isentro na lamang ang debate sa tinuod
nga isyu.

Kini human sa hagit nga civil disobedience sa mga anti-RH bill advocates nga gitubag usab
sa Malacañang nga posibleng mag-atubang sa kasong sedis-yon ang mga mosuporta sa
maong panawagan sa mga kritiko sa maong balaodnon.

“Masyado na pong umiinit `yung usapin tungkol po dito, hindi na po `yung issue mismo. Mas
mabuti pong huminahon muna tayo ng konti, at `yung issue na lang muna po ang ating pag-
usapan,” hangyo ni Deputy Presidential Spokesperson Abigail Valte.

Giingong dili maayong ehemplo sa katawhan nga sa higayong adunay dili uyonan ang bisan
unsang grupo sa polisiya sa gobyerno, kini dayon ang ihulga sa maong mga grupo.

There is room for debate, it doesn’t have to degenerate to illegal acts or anything like that,”
pamahayag usab ni Presidential Communications Secretary Ricky Carandang.

Samtang nagpahayag usab silang Sorsogon Bishop Arturo Bastes, Cotabato Auxiliary Bishop
Jose Collin Bagaforo ug Jaro Archbishop Angel Lagdameo nga sundon nila ang Diyos, kaysa
sa tawo ug ang immoral nga balaod nga ipatuman.

“We will obey God rather than men and immoral laws,” matud pa sa pahayag sa mga obispo
kalabot sa isyung pagsang-at og kaso batok sa mga anti-RH bill nga nag-aghat og civil
disobedience sama sa dili pagbayad og buwis.

Mahinomduman nga ang Citizens’ Alliance for the Protection of Human Life ang grupong
nipadayag sa panawagan nga civil disobedience isip balos sa pagsuporta sa gobyerno sa RH
Bill nga ila usab gibabagan.

Nahibaw-an usab kang Sen. Panfilo Lacson nga duha ka semana gikan karon, mahimo
nang sugdan ang debatehan sa plenaryo sa Senado ang RH bill tungod kay human na ang
report sa Senate committee on health and demography mahitungod sa maong isyu.Dungan
niini, nanawagan usab ang senador sa mga pro ug anti-RH bill sa pagkalma ug dili unta
magkapersonalan sa maong isyu. (PIA-Bohol/ecb)