SUGOD Enero sunod tuig, doble na ang madawat nga combat pay sa mga miyembro sa
Armed Forces of the Philippines (AFP).
Kini human gisakaan ni Presidente Benigno Aquino III ang madawat nga combat pay sa mga
sundalo gikan sa daang P240 matag buwan, madugangan kini og P260 o iksaktong P 500
na.
Gipahibalo kini ni P-Noy atol sa ika-75 ka tuig nga anibersaryo sa AFP didto sa Camp
Aguinaldo, Quezon City.
Matud pa ni P-Noy, ang dugang benepisyo apil sa pasalig sa iyang administrasyon nga
mapauswag ang kahimtang sa kinabuhi sa matag sundalo.
Sa maong okasyon, gipasidunggan usab sa AFP ang mga bayaning sundalo nga
gipangulohan ni Rear Admiral Alexander Pama tungod sa malampuson nga kampanya niini
kontra sa terorismo sa panahon sa iyang panilbihan isip Commander sa AFP- Wes-tern
Mindanao. (PIA-Bohol/ecb)
