Bohol News Daily

Bohol himuong housing project site

MAGTIGOM silang Vice President Jejomar Binay, Bohol Gov. Edgar Chatto ug mga chief
executives sa ubang piniling probinsiya ngadto sa Cebu City sa Miyerkoles ug Huwebes,
Pebrero 16 ug 17 aron pagsulbad sa ‘homelessness’.

Kini aron pag strategize the nasudnong housing program nga nag-punting sa Bohol isip usa
sa project site sa duha ka adlaw nga critical workshop nga magtudlo og mga pamaagi sa
pagpasaka sa production base alang sa housing pinaagi sa hugot nga pakiglambigit sa mga
local government units (LGUs).

Mao kini ang mopatuman sa saad ni Binay ngadto kang Chatto atol sa una niyang pagbisita
dinhi sa probinsiya niadtong bag-uhay pa lang siyang nilingkod isip Bise Presidente sa
nasud.

Si Binay ang gitahasan ni Presidente Benigno Aquino III nga mangulo sa Housing and Urban
Development Coordinating Council (HUDCC).

Gipaabot nga motambong ang mga chief executives ug planning officials gikan sa napiling
131 ka mga probinsiya, syudad ug kalungsoran sa maong workshop nga mopadayon sa
mandato sa Urban Development and Housing Act. (ecbPIABohol)

Exit mobile version