Binay dili na interesado sa Cabinet posisyon nga gitanyag sa mosunod nga administrasyon

SI Vice President-elect Jejomar Binay dili na interesado sa bisan unsang Cabinet posisyon sa mosunod nga administrasyon, apan ni ingon siya nga iya gihapong suportahan si President-elect Benigno “Noynoy” Aquino III inig sugod sa ilang pangatungdanan sa Hunyo 30.

Matud pa sa media affairs officer ni Binay nga si Joey Salgado, ang duha nagkita niadtong Miyerkoles atol sa duha ka oras nga meeting sa panimalay ni Aquino sa Times Street, Quezon City, diin gipadayag ni Binay ang iyang hukom nga dili na kini interesado sa bisan unsang Cabinet position aron dili na makasamok sa Presidente ug tugotan kini nga maka focus sa daghang mga hagit nga giatubang sa nasud.

Usa ka reliable source gikan sa kampo ni Aquino ang nagkanayon nga si Binay gitanyagan og posisyon apan ang outgoing Makati mayor nibalibad ug nipadayag hinuon sa iyang suporta kang Aquino. Wala hinuon gibutyag sa tinubdan kon unsang posisyon ang gitanyag kang Binay.

Daan nang nipadayag si Binay nga gusto niyang mamahimong kalihim sa Department of Interior and Local Government kon DILG, apan si Aquino nagduhaduha sa paghatag sa maong posisyon kang Binay. (PIA-Bohol)

Submit a Comment