Biktima sa pabuto misaka

Padayon gihapon ang pagsaka sa mga natala nga nasamdang biktima sa pabuto pila ka
adlaw human ang pagsaulog sa Bag-ong Tuig.

Nigawas sa datos sa Kampanya Kontra Paputok Surveillance Team sa Department of Health
(DOH) nga niabot na sa 890 ang gidaghanon sa mga natala nga firecrackers related injuries.

Matud pa sa mga opisyal sa DOH, mas taas pa kini og 17 porsiyento kon itandi sa milabay
nga lima ka tuig sugod niadtong tuig 2005 hangtud 2010.

Nasayran nga sa 844 nga kaso tungod sa mga pabuto, 36 tungod sa stray bullet, 11 tungod
sa fireworks ingestion ug usa usab ang natala nga namatay.

Sa 17 ka rehiyon sa nasud, ang National Capital Region (NCR) pa gihapon ang nitala sa
pinadaghan og biktima nga anaa sa 55%.

Samtang ang pabuto nga piccolo pa gihapon ang daghang nabiktima nga niabot sa 240, 125
tungod sa kwitis, 52 tungod sa 5-star, 47 tungod sa pla-pla ug 38 usab ang tungod sa lusis.
(PIA-Bohol/ecb)

Submit a Comment