Ayala interesado sa P1.2B Cantakoy Hydro project

MIPADAYAG nag interes ang Ayala Group of Companies nga makigkurambos sa Sta Clara International Group
alang sa pagtukod sa P1.2 bilyones nga hydro-electric plant sa Danao, Bohol.

Matud ni Congressman Erico Aumentado sa mga taho, nakigtagbo na ang mismo presidente og Chief
Executive Officer nga si Don Jaime Zobel de Ayala sa mga tinugyanan sa Sta Clara ug ni Asisclo Conzaga kinsa
Presidente sa Transco aron tuki-on ang pag-ugmad sa 8 megawatts nga dam sa Catakoy.

Nakigtagbo ang mga tinugyanan sa Ayala ug Sta. Clara ni Cong. Aumentado ug ni Transco president Gonzaga
alang sa panagsabot didto sa Danao niadtong Biyernes diin gisuhid nila ang lugar diiin mahimong itukod ang
planta sa gahum dagitab.

Ang katukoran sa Cantakoy Dam mahimong labing dakong tinubdan unya sa limpyong gahum dagitab sa
Bohol ug magdugang sa kasamtangang panginahanglan sa isla.

Kon matuman, mahimo nga upat na ang dams sa Bohol: ang Tontonan sa Loboc, Ewon sa Sevilla, Hanopol sa
Balilihan u gang Cantakoy. (rac/PIABohol)

Submit a Comment