Pangitag paagi sa barato nga sistema sa waste mgt.” PGMA

by | Mar 30, 2009 | Headlines

GITAMBAGAN ni Presidente Gloria Macapagal-Arroyo ang mga opisyales sa mga local government units nga magsagop sa dili gastoso nga pamaagi pagtipig sa basura subay sa epektibo nga programa alang sa solid waste.

Matud sa Presidente, mahimo ra nga magtukod og materials recovery facility ang mga LGUs nga dili makagasto sa pag-dumala sa usa ka sanitary landfill, nga maoy unang gitumbok nga paagi sa pagtipig sa basura subay sa Ecological Solid Waste Management Program sa nasud.
As mga MRF, mahimo nga mabahig ang basura aron dyutay na lang ang isalikway samtang magamit pag usab ang mga kapahimuslan pang basura.
Kini usab maoy kasagarang gitambag sa Presidente alang sa mga kabarangayan, kay nakita nga mas barato ang mag-atiman og MRF kay sa sanitary landfill. (rachiu/PIA)

mas barato ang mag-atiman og MRF kay sa sanitary landfill. (rachiu/PIA)

Uling gikan sa basura,
Usa sa sugyot ni PGMA

MAKINA nga maghimog uling gikan sa basura, kini maoy usa sa mga sugyot ni Presidente Gloria Macapagal Arroyo agig solbad sa pagdumala sa solid waste.

Inay mogastog nminilyon alang sa abri nga labayanan sa basura, mas barato ang paghim niinig uling, matud sa Presidente.

Una nga nga gibutyag ni Environment and Natural Resources Undersecretary Manuel Gerochi nga ang makina nga maghimog uling sa basura mobalor ug P63,500 lamang kon itandi sa minilyon nga landfill.

Hinuon, ang ma-uling aron iklasugnod, kadto lang mga basura nga biodegradable ug organic.

Dugang ni Gerochi, ang pag-uling usab makatabang sa pagkunhod sa paggamait sa mga kahoy ug produkto sa lasang.

Gawas pa sa uling, makasapi usab ang katawhan niini, panapos ni Usec. Gerochi. (rachiu/PIA)

Comelec misugyot og total ban sa armas karong piliay

by | Mar 26, 2009 | Headlines, National News

MIPADAYAG ang Commission on Elections sa palisiya nga walay tugotan nga magbitbit og armas sa panahon sa piliay.


Pinaagi ni Comelec Chair Jose Melo, mibutyag ang COMELEC nga ang piliay nga walay armas, wala usay kasamok.


Gani, kon siya ang pagbut-pn, angay nga walay pihig-pihig ang pagdili sa armas bisan niadtong mga tawo nga naanad nag dala niiini subay sa ilang trabaho.


Kini usab nga posisyon gisagop kanhi ni COMELEC Commissioner Nicodemus Ferrer kinsa mipadayag sa total nga ban sa armas.

Tungod niini, makigsabot ang mga opisyales sa COMELEC aron hipnoon unsaon pagsagop sa mga paagi sa pagdili. (rachiu/PIA)

PGMA mobisita sa Bohol

by | Mar 25, 2009 | Headlines

HALOS hipno na ang pagpangandam sa Bohol sa unang pagbisita ni Presidente Gloria Macapagal Arroyo karong umaabot nga Abril 1 dinhi sa Bohol.

 

Una nga nga gidapit ang Presidente isip pinasidunggang mamumulong sa nasudnong kombensyaon sa Sanggunaing Kabataan National Federation karong Abril 1, didto sa Bohol Wisdom School Gymnasium.

 

Kini usab positibong gitubag sa presidente pinaagi sa suwat gikan iyang buhatan niadtong miaging Marso 19, matud sa local nga buhatan sa SK sa Kapitolyo.

 

Ang Bol-anong si Jane Censoria Cajes, kinsa maoy nasudnong presidente sa federasyon mibutyag nga magpadala na ug tawo ang Buhatan sa Presidente ning sunod nga mga adlaw aron hipnoon ang koordinasyon sa mga kalihukan nga tambungan sa pangulo nasud lakip na ang ipahimutang nga seguridad.

 

Si Presidente Arroyo maoy mangulo paglusad sa programang pagpananum nga pangunahan sa mga kabataan. 

 

Ikauban usab sa Presidente si Kalihim sa Environment Lito Atienza. (rachiu/PIA)