Pinas nagmina na’g 10% alang sa inadlaw’ng panginahanglan

MAHIMO na sa Pilipinas nga magproduce sa 10% sa iyang inadlaw nga panginahanglanon sa lana, kini ang maayong balita ni Energy Secretary Angelo Reyes sa pagsugod sa operasyon sa Galoc oil fields sa amihanng Palawan.

Dungan sa pagsugod sa operasyon sa Galoc, napun-an ang nasud ug 30,000 ka baril nga lana matag adlaw, gidaghanon nga katumbas sa 10% sa kinatibuk-ang gikinahanglan sa nasud.

Gani, sulod sa sunod nga duha ka tuig, pasabot ni Reyes nga mapun-an pag-laing 20,000 ka baril ang produksyon sa Galoc, ug kini mokita pag $1.4B.

Matud ni Reyes, gitagna na nga ang oil field mohatag ug 17,000 ngadto sa 20,000 ka baril nga lanan matag adlaw, uban sa $120 milyones nga puhunan sa nasud pagpahiluna sa imptrastraktura.

Dugang niya, taas ang klase sa lana nga nakuha sa Galoc field, ug gani, dili sama sa ubang lana nga makuha, dyutay ray namatikdang elemento nga sulphur niini.

Kini usab nga timailhan, maoy sarang kalidad sa lana nga himoon nga premium oil ug mahimo na nga iproseso sa atong local nga refineries, diin makwarta pa ang krudo nga itumbas sa palit sa gawas.

Sa kasamtangang $135 ang matag baril sa lana, matud ni Reyes nga ang nasud makatipig sa iyang foreign exchange sa $1.4 billion kon ang Galoc oil tinuood gayud nga may 20-milyones ka baril nga reserba nag makuha sulod sa duha ka tuig.

Sa kasamtangang nasulbong nga presyo sa lana, ang tumong nga magpadako sa reserba sa nasud sa lana ug gas ilabi na ang pagkaplag sa laing tinubdan sa enerhiya mao nay dako nga bahin sa energy independence agenda sa kagamhanan ni Presidente Gloria Macapagal-Arroyos. (rachiu/PIA)

Katigbawan highlight…Banking on blood to save somebody’s life

WHAT a better way to show ones idea of the brotherhood in humanity than sharing one’s blood?
Celebrating another milestone in the town’s history, Catigbian would be handling to Bohol health authorities bags of blood from volunteers who wish to make a difference to the lives of patients needing such help.

At this year’s Katigbawan Festival, residents bank on their blood to save somebody else’s life. This as authorities expect 120 blood donors from different barangays to submit themselves voluntarily to a cause they have committed to support.

On June 17, 2008, volunteers are expected to troop to the Catigbian Business Activity Center, where the Blood Coordinating Council of Gov. Celestino Gallares Hospital, Tagbilaran City with the assistance of the Municipal Health Staff and some personnel from the Catigbian District Hospital will be waiting for them.

When the idea of a Voluntary Blood Donation (VBD) first came, no other than Mayor Roberto Salinas personally and willingly modeled the program and submitted himself to the health personnel during the first bloodletting event, three years ago, Catigbian sources said.

The program also happens to be the Department of Health’s venue of ensuring that distribution of blood supply and blood products are adequate, safe, affordable and equitable at local blood banks.

Doctors have also said that regular bloodletting events are healthful means of giving out blood compared to commercialized blood donation.

Earlier, the personnel at the Municipal Health Office has spread advocacies on the VBD in the barangays.

Because of such, barangay captains have coordinated recruitment of blood donors through community and purok meetings.

This year, blood donors from different barangays need not come with tentative health concerns having been advised of the advantages and benefits of the activity.

Also included in the activity are free screening for blood-borne diseases such as HIV, Hepatitis B, Malaria and Syphilis and most importantly.

Vice Mayor Necita Digaum also said that the activity assures the people of Catigbian free blood and blood products in times of emergency and illnesses that may require blood transfusion, by virtue of an existing agreement with hospitals and medical establishments. (rachiu/PIA)

Exxon Mobil namuhunan na sa oil, gas exploration dinhi

ANG KINADAK-ANG kompanya nag-una sa exploration sa lana ug gas mipadayag na sa kasibot nga magpasugod sa oil ug gas exploration sa Pilipinas.

Ang Exxon Mobil, kinsa gikatakda nga makigkita ni Presidente Gloria Macapagal Arroyo una na nga mipadayag sa laraw nga mobaling sa ilang pagtutok sa oil ug gas exploration dinhi sa Pilipinas, butyag ni Energy Secretary Angelo Reyes.

Sumpay sa kalihin sa DOE nga ang Exxon Mobil mipakita ug interes sa Service Contract No. 56 nga kasamtangang gihuptan sa Mitra Energy Limited, usa ka Malaysian exploration company.

Ning bag-o lang, nakuha na sa Exxon Mobil ang 50% nga pagpanag-iya sa natumbok nga service Contract No. 56 lakip na ang katungod sa pagdumala sa proyekto nga oil ug gas exploration sa Sulu.

Gipadayag ni Reyes ang ang pasulod sa Exxon Mobil sa nasud usa ka maayo nga timailhan nga may daku nga pundo sa gas ug oil sa nasud.

Matud niya, dili magpakita ug interes and labing dako nga kompanya sa oil ug gas sa Pilipinas kon dli igo ang nakita nga pundo sa oil ug gas nga makuha dinhi. (rachiu/PIA).

Mga dato gihangyo: dili na makigsawo og palit sa NFA

ANG NFA rice, gi-subsidize sa kagamhanan alang lamang sa mga kabus, ug dili unta angay sawhan sa mga adunahan.

Sa padayong nga pagdaghan sa mga katawhang mipila aron makapalit sa baratong humay nga NFA, mihangyo na ang Malakanyang sa mga adunahan nga dili na unta moapil sa pag pila.

Gipasabot ni Executive Secretary Eduardo Ermita nga ang NFA rice gilantaw lamang nga makatabang sa mga kabus aron makalahutay sa kalisud nga nasinati karon sa nasud.

Ang hangyo sa kagamhanan gipunting ngadto sa mga katawhang may kakayahan nga mopalit sa komersyal nga humay. Kini aron maseguro nga ang humay sa NFA moabot gayud sa mas gakinahanglan niini.

Niini nga paagi, sumpay ni Ermita, mas matabangan ang kadtong menos ang kita sa pagpaneguro nga may kan-on matag adlaw.

Wala usab ilimod sa mga NFA parish outlets nga may makalusot gayud nga mga arang-arangan nga mopalit sa humay kay wala man usab balaod kabahin niini.

Sa laing bahin, matud ni NFA Bohol Assistant Manager Ma. Fe Evasco, gihatagan lamang ug maximum nga 5 ka kilo nga NFA ang ibaligya sa matag pumapalit, bisan pa nga may namatikdang mga bata nga gipa-apil ug pila sa pangindahay nga mas daghan ang mapalit sa usa ka pamilya.

Hinuon, sumpay niya nga kinahanglan nga ang tanang makapila makapalit gayud ug bugas sa tag P18.50 o P20 ang kilo. (rachiu/PIA)

Way basehan’g pagtaas sa presyo sa gasolina, LPG pa-imbestigahan sa DOE

AGI ug reaksyon sa una na nga pamahayag nga moabot pa sa P65 ang matag litro sa gaslolina, imbestigahon sa Department of Energy (DOE) ang mga local nga kompanya sa lana ug mga tigpang-apud apud niini lakip na kadtong namaligya ug liquefied petroleum gas (LPG).

Gawas sa una nga nga pahayag, ang sunod-sunod nga pagpataas sa presyo sa mga produktong lana ug LPG wala mag-haum sa aktwal nga dagan sa presyo niini sa international nga bili sa lana, padayag sa DOE.

Gipasabot ni Secretary Angelo Reyes nga ang labing bag-ong P1.50 nga saka sa presyo sa gasolina wala masukip sa presyo sa international nga kontrata kabahin niini.

Matud ni Reyes sa mga balita nga kinahanglan ang mga kompanya may tukmang basehan sa ilang pagpasaka sa mga presyo sa mga paliton.

Dugang niya, kinahanglang kong may ipasibya man, kini base gayud sa tinuod nga hitabo sa presyo sa merkado sa gawas.

Daghan ang nagtuo nga ang una nga pahayag nga giluwatan sa mga kompanya sa lana kabahin sa pag-abot sa P65 ang litro sa gasolina, panaghap lamang.

Giunhan, matud pa ang mga tawo aron dali na lang magpasaka sa presyo ang mga tigpang-apud-apod niini sa mga probinsya ug wala nay moreklamo kay na-kondisyon na ang huna-huna. (rachiu/PIA)