MATUD pa sa Armed Forces of the Philippines kon AFP niadtong Lunes nga si Rear Admiral Feliciano Angue posibleng mag-atubang og imbestigasyon tungod sa mga pahayag nga iyang gibuhian ngadto sa mga tigbalita mahitungod sa iyang pagka relieved isip commander sa National Capital Region Command.
Sa usa ka press conference niadtong Lunes, si Angue nipadayag sa iyang kabalaka og wala pag-uyon sa desisyon sa AFP nga sa iyang pagtan-aw, usa ka “demotion” tungod sa iyang assignment sa NCRCom nga three-star position, nga nagbutang kaniya nga eligible para promotion sa pagka vice admiral. Bisan pa niana, ang bag-o niya nga assignment usa lamang ka two-star position.
Mga usa ka oras human sa maong press conference, ang tigpamaba sa militar nga si Brig. Gen. Joze Mabanta Jr. ni ingon nga dili palabyon sa militar ang gihimong pahayag ni Angue ug pwedeng mag-atubang ang opisyal sa Navy og imbestigasyon sa iyang pagpadayag sa iyang mga reklamo ngadto sa publiko.
Matud pa ni Mabanta nga gipanglantawan sa militar ang gihimong mga pahayag ni Angue nga “bordering on insubordination” ug paglapas sa AFP Code of Ethics, Article 5, Section 4.3. paragraph 4.3.12 o Unethical Acts nga pagpadayag sa mga reklamo pinaagi sa tri-media, nga makaguba sa imahe sa AFP. (PIA-Bohol)
