AFP nipagawas og human rights handbook

ANG Armed Forces of the Philippines kon AFP nipagawas karong adlawa sa ilang human rights handbook nga magsilbing giya sa militar sa paghimo sa ilang operasyon batok sa tanang “threat groups,” apil na ang communist New People’s Army.

Ang maong handbook gisulat ni Lt. Col. Samuel Sagun sa AFP Civil Relations Service uban sa pakigtambayayong sa Commission on Human Rights, International Committee on the Red Cross, ug sa European Union-Philippine Justice Support Program.

Matud pa ni Lt. Col. Arnulfo Marcelo Burgos, ang public affairs office chief sa AFP nga ang 200-ka pahina nga human rights handbook maoy magsilbing practical guide sa mga sundalo.

Gi dugang ni Burgos nga ang maong handbook magamit dili lamang sa pagbatok sa mga rebeldeng komunista, apan alang usab sa tanang internal security operations sa militar. (PIA-Bohol)

Submit a Comment