4,000 ka delegado nitambong sa 45th ADB Meeting

TAGBILARAN CITY, Bohol, May 02 (PIA)–Nagsugod na karong adlawa ang Asian Development Bank (ADB) Board of Governors Meeting nga matapos sa Sabado, Mayo 5.

Upat ka adlaw usab nga nia sa Pilipinas ang 37 ka finance ministers ug 4,000 ka delegado gikan sa non-government organizations, global media, observer countries ug international organizations sa 67 ka nasud aron motambong sa pulong sa Philippine International
Convention Center (PICC) sa Pasay City.

Ang tema sa panagtapok adunay kalabot sa saktong pagdumala ug pakig-tinabangay ug apil sa mga hisgotan ang mga pamaagi kun unsaon pag-atubang sa mga gobyerno sa Asya ang global economic crisis ug ang climate change.

Gipaabot nga mopaambit sa panagpulong ang mga finance official apil na ang pinakabata nga Economics professor sa Harvard University nga si Jeffrey Zac.

Kalabot niini, naka-full alert ang Philippine National Police (PNP) aron masiguro ang seguridad sa lugar bisan sa mga gipuy-an nga hotel sa mga delegado. (PIA-Bohol/ecb)

Submit a Comment