TAGBILARAN CITY, Bohol, May 08 (PIA)–Gilusad na ganinang buntag sa Department of Budget and Management (DBM) ang 2012 People’s Budget isip parte sa programa ni Presidente Benigno “Noynoy” Aquino III nga mahimong accountable ug transparent sa publiko kun gi-unsa paggasto sa gobyerno ang kwarta sa nasud.
Matud pa ni Budget Secretary Florencio “Butch” Abad, kini ang labing simpleng bersyon sa National Budget aron mas daling masabtan sa publiko.
Makita sa People’s Budget ang summary sa 2012 General Appropriations Act (GAA) apil na usab ang budgetary allocations alang sa mga priority program ug proyekto ni Presidente Aquino. (PIA-Bohol/ecb)
Diskwento Caravans nga mamaligya og baratong school supplies,
ilusad sa DTI sa 16 ka rehiyon
TAGBILARAN CITY, Bohol, May 08 (PIA)–Gilusad na kagahapon ang unang Diskwento Caravan sa Department of Trade and Industry (DTI) sa kaulohan diin gibaligya ang mga school supplies, bags ug uniporme sa eskwelahan sa mas barato nga kantidad.
Matud pa ni DTI Undersecretary Zenaida Maglaya, hangtud 50-porsyento nga diskuwento ang gitanyag sa Diskwento Caravan.
Giingong sa Mayo 15, 30 ka Diskwento Caravans ang ilusad sa DTI sa 16 ka rehiyon sa nasud.
