“Marine parks” solusyon sa kuwang nga mahalong isda

NAKITA sa mga tinugyanan ang posibilidad sa pagtukod ug mga marine parks nga usa sa mga solbad
sa paghimong “stable” sa tinubdan sa isda dinhi.

Kini maoy butyag ni Bureau of Fisheries and Aquatic Resources (BFAR) Chief Cresencio Pahamutang,
kinsa nahinabi sa usa ka forum kabahin sa siluran sa mahal nag isda dinhi.

Matud ni Pahamutang nga ang pagmenos sa kuha sa isda dinhi ug dinuyugan sa pagmenos sa
commercial nga mangingisda nakatabang nga maglisud ang pagpabarato sa presyo.

Hinuon, matud niya, sa konsepto sa marine park, tukoron ang 5 ka dagkong lugar diin butangan og
mga hatchery o laboratoryo aron mas dali ang pagpasanay sa semilya sa mga nag-unang matang sa
isda sa merkado.

Dugang niya nga tukoron sa Bohol uban sa Department of Agriculture og sa kagamhanang probinsyal
ang lima ka susamang parks sulod sa unang kwarter sa tuig.

Gibanabana nga kon matukod, dili na lisud ang pagpamalit sa isda kay diha ra kini buhi-on sa
mga fish cages sulod sa marine parks ug dili na unya maapektohan sa swerte o malas sa mga
mangingisdang mopalawod. (racPIABohol)

Submit a Comment