PCOO partners with advertising industry to promote ‘Makabayang Pilipino’ program

The government has joined forces with the advertising industry to promote a long-term
advocacy program for values orientation and transformation by highlighting positive Filipino
values along nation-building goals.

The partnership was formally announced during the signing of a Memorandum of
Cooperative Undertaking between the Presidential Communications and Operations
Office led by Secretary Herminio “Sonny” Coloma, Jr. and the Advertising Foundation of
the Philippines represented by its chairman Ruperto Nicdao, Jr. at the Bahay Ugnayan in
Malacañang on Tuesday.

Dubbed Makabayang Pilipino, the program hopes to foster the values and virtues of
nationalism, honesty, discipline and respect for laws and authority, concern for the
environment, the spirit of bayanihan, and the excellence for global competitiveness among
people and communities. It is an integrated marketing communications program consisting
of multimedia advertising campaigns, special events, and other social marketing projects on
values promotion and the development of a Makabayang Pilipino movement.

Launched last October 21, 2010, the Makabayang Pilipino will harness the initiatives and
resources of the private sector, government and civil society towards values transformation of
the people for peace, progress and sustainable development of people and country.

Present also during the signing ceremony were Johnip Cua, Ad Foudantion immediate past
president, Luis Morales, Oversight Chairman, Makabayang Pilipino and Eric Canoy, vice-
chairman, Makabayang Pilipino core group. (PCOO/PIA)

AFP nagdeklara na usab og ceasefire

NAGDEKLARA na usab kagahapon og ilang kaugalingong bersyon sa ceasefire ang Armed
Forces of the Philippines (AFP) kalabot sa pagbalik sa peace talks tali sa GRP peace panel
ug sa CPP-NPA-NDF sa Oslo, Norway gikan Pebrero 14, hangtud 21.

Matud pa ni AFP Spokesman Brig. Gen. Jose Mabanta Jr., sama sa deklarasyon sa NPA, ila
usab obserbahan ang ceasefire gikan alas-12:01 sa kadlawon sa Pebrero 14 nga molanat
hangtud alas-11:59 sa tunga’ng gabii sa Pebrero 21.

Bisan pa niini, niingon si Mabanta nga samtang gi-obserbahan ang ceasefire, magpabilin sa
defense mode ang tropa sa gobyerno aron masanta ang posi-bleng panabotahe sa NPA, ang
armed wing sa CPP.

“However this will not preclude our soldiers from taking action in self-defense and to protect
communities from armed threats. Your soldiers will give primacy to the peace process by
employing military capability only when necessitated by security considerations”, matud pa ni
Mabanta.

Gikondena usab ni Mabanta ang pagpaboto sa landmine sa mga NPA sa Maco, Compostela
Valley sa miaging adlaw o sa mismong bisperas sa ceasefire nga nakapatay sa usa ka sibil-
yan samtang unom pa ang nanga-angol apil na sa duha ka sundalo. (ecbPIABohol)

Pilipinas, planong magpadala og emisaryo sa Taiwan

GI TUN-AN sa gobyerno ang pagpadala og emisaryo sa Taiwan aron ipasabot ang
kasungian mahitungod sa pagpa-deport sa 14 kaTaiwanese paingon sa China.

Niingon si Justice Secretary Leila de Lima nga mahimong ipaagi ra usab sa Manila Economic
and Cultural Office (MECO) ang himuong pagpasabot sa Taiwan.

Gipasabot ni De Lima nga gihimo lamang sa Pilipinas ang maong lakang aron
maprotektahan ang interes sa nasud sa giingong gihimo lamang dangpanan sa mga langyaw
ang atong nasud alang sa mga kriminal nga aktibidad.

Apan gipahinomdum sa kalihim nga adunay nahimong kasabutan tali sa Taiwan ug China
mahitungod sa prosekusyon sa mga dili mosunod sa ilang mga balaod.

Tungod kay dili naman parte niini ang Pilipinas, ang Beijing ug Taipei lamang daw ang
makasulbad sa maong hilisgutan. (ecbPIABohol)

Imbestigasyon sa Senado angay himuong ‘close door’

Tagbilaran City, Bohol – SI Lt. Col. Romeo Brawner Jr., ang Commander sa Special Forces
sa Armed Forces of the Philippine (AFP) dinhi sa lalawigan sa Bohol miuyon sa sugyot
ni Senador Gringo Honasan nga himuong close door ang gipahigayong pagpakisusi sa
giingong anomaliya sa pagdumala sa gahing pondo sa Armadong Kusog sa nasud.

Kini tungod kay ang maong imbestigasyon nga gipahigayon sa Senado midahig og mga
dagkong opisyales sa militar.

Giluwat ni Brawner kining maong pamahayag agig reaksiyon sa gisangpotan ni Ret. Gen.
Angelo Reyes.

Gipahayag usab ni Brawner atol sa programang Inyong Alagad sa istasyon DYRD-AM
nga mas maayo nang dili e-live coverage sa telebisyon ang imbestigasyon aron malikayan
ang “trial by publicity” tungod kay murag sad-an naman ang pagtratar sa mga nag-
imbestigang Senador ngadto sa ilang mga gipang-imbita.

Sa tan-aw ni Brawner, murag gipaka-ulawan raman sa mga Senador ang mga gipang-dapit
nga mga resource persons. Nanghinaut usab si Brawner nga likayan na unta ni Senador
Trillanes nga himuong personalan ang iyang pagpangutana sa ilang mga resource persons
nga ilang gipang-imbitar ngadto sa Senado.

Ang mga anomaliyang gipang imbestigahan sa Senado karon giingong dugay nang nahitabo
ug gani duna nay mga lakang sa pag-reporma sa sistema sa AFP apil na niini ang pagpa-
usbaw sa mga suholan sa mga kawani niini gawas pa nga nabilanggo naman gani ang mga
gipasanginlan.

Matud pa nga dugay nang giwagtang ang opisina sa comptroller sa AFP og gihulipan na
og upat ka nagkalain-laing buhatan nga maoy nag atiman sa paggasto sa pondo sa militar.
(PIA-Bohol/lvbongosia)

P-Noy dili magmugna og anti-crime czar

WALAY PLANO si Presidente Aquino nga magmugna og anti-crime czar human sa
nahitabong dugo-ong bus bombing diin 5 katawo ang namatay sa Makati City.

Matud pa ni Presidential Spokesman Edwin La-cierda nga dili na kinahanglan ang anti-crime
czar tungod kay daku ang pagsalig sa Presidente sa iyang Kabinete.

Si Lacierda niingon nga walay nakitang hinungdan si PNoy nga magmugna og anti-crime
czar tungod kay naa raman ang DILG chief, PNP chief, AFP chief ug ang iyang National
Security Council members.

Mahinumdoman nga pipila ka sektor ang misugyot kang Aquino nga magmugna og
permanenteng anti-crime czar human sa sunod-sunod nga carnapping ug ang bus bombing
sa mga milabay’ng adlaw.

Nagtuo usab ang Malacañang nga dili daku og epekto sa business climate ang nahitabong
bus bombing human niingon si Trade Sec. Gregory Domingo nga sulod lamang sa duha ka
semana, malimtan na ang maong panghitabo ug magpadayon ang sadya nga pagnegosyo
sa nasud. (ecbPIABohol)