PNoy mipasalig nga mapasakaan gayud og kaso ang mga nalambigit sa pagpanikas sa milabay’ng piniliay

TAGBILARAN CITY, Aug. 2 (PIA)–GIPASALIG ni President Benigno S. Aquino III nga ang kagamhanan mopasaka gayud og kaso batok sa mga personalidad nga nalambigit sa giingong pagpanikas sa piniliay sa tuig 2004.  Sa usa ka ambush interview human sa Multi Stakeholders Forum ganinang buntag didto sa Dagohoy Grand Hall sa Bohol Tropics Resort, miingon ang Presidente nga gibuhat na sa gobyerno ang tanang mahimo niini aron mapagawas ang kamatuoran base sa mga lig-on nga ebidensiya sa maong isyo.

Gitataw sa Presidente nga gikinahanglan ang lig-on nga ebidensiya ug dili angay magsalig sa mga pahayag sa pipila ka personalidad nga nangangkon’g dunay kasayuran kalabot niini.  Dugang pa sa Presidente nga ang mga impormasyong nakuha gikan sa nagkalain-laing
testigo, subject for evaluation pa.

Sa pagkakaron, ilang gitotokan ang four tracks of investigation nga posibleng magdala sa mas lalom pa nga pagsabot sa maong isyo.

Duha ka buhatan sa gobyerno, ang Department of Justice ug ang Commission on Elections (Comelec) ang mag-uban sa pag-imbestigar sa mga alegasyong pagpanikas sa piniliay sa tuig 2004 ug 2007. (PIA-Bohol/ecb)

Comelec, DoJ agree to probe 2004, 2007 poll fraud

THE Commission on Elections (Comelec) and the Department of Justice (DOJ) will jointly investigate the alleged fraud in the 2004 and 2007 elections.  Justice Secretary Leila de Lima and Comelec Chairman Sixto Brillantes Jr. agreed on a joint investigation during a closed-door meeting wherein they also started mapping out the mechanics of the probe.

“What we have right now is an agreement in principle between Comelec Chairman Sixto Brillantes and Justice Secretary Leila de Lima to hold a joint investigation. Maybe in the next few days, they will thresh out the rules of engagement,” said Comelec spokesman James Jimenez.  He said the entry of the DOJ should allay suspicion of whitewash by the Comelec.  Jimenez added that Sec. de Lima would create a special DOJ task force or team for this purpose.

The DOJ has already started building its case based on allegations of poll fraud raised by former Autonomous Region in Muslim Mindanao Gov. Zaldy Ampatuan and former Maguindanao  election supervisor Lintang Bedol. (COMELEC)

3 ka testigo nga mopalig-on sa testimonya ni Bedol, gikuhaan na og statement sa Comelec

TAGBILARAN CITY, Bohol, July 21 (PIA)–Gikumpirma ni Commission on Elections (Comelec) Chairman Sixto Brillantes nga naa na sa Kampo Crame ang tulo ka testigo nga giingong mosuporta sa gibutyag ni kanhi Maguindanao Election Supervisor Lintang Bedol kalabot sa giingong pagpanikas sa piniliay niadtong tuig 2004 ug 2007.  Matud pa ni Brillantes, kauban niini ang ilang abogado sa Comelec aron mokuha pa og dugang pahayag sa tulo ka testigo.

Gitataw usab ni Brillantes nga wala sa Philippine National Police (PNP) Custodial Center ang tulo apan naa sa usa ka buhatan sa Kampo Crame.Giseguro usab ni Brillantes ang seguridad sa tulo tungod kay mga empleyado pa gihapon sila sa Comelec.  Nauna nang giila ang tulo ka testigo nga sila Saliao Amba, acting Election Officer sa Shariff Saydona sa  Mustapha, Maguindanao; Magsaysay Mohamad, Chairman sa Municipal Board of Canvassers sa Sultan Barongis, Maguindanao; ug Salonga Edzela, computer voter’s list technician sa Maguindanao Provincial
Election Office. (Translated into Bol-anon by Elvira Bongosia/PIA-Bohol)

Comelec, mohimo’g imbestigasyon sa mga alegasyong pagpanikas sa mga milabay’ng piniliay

TAGBILARAN CITY, Bohol, July 18 (PIA)–Mohimo og imbestigasyon ang Commission on Elections (Comelec) sa mga gibutyag nilang kanhi Maguindanao Election Supervisor Lintang Bedol ug kanhi Autonomous Region in Muslim Mindanao (ARMM) Governor Zaldy Ampatuan kalabot sa mga giingong pagpanikas niadtong tuig 2004 ug 2007 nga piniliay.

Matud pa ni Comelec Commissioner Armando Velasco, angay nga matuldukan na ang mga alegasyong pagpanikas sa mga milabay nga piniliay. Gitumbok usab ni Velasco nga angay nga adunay ikapakita nga mga dokumento silang Bedol ug Ampatuan aron mapamatud-an nga dunay nahitabong pagpanikas.

Samtang mag-isyu ang Comelec og alias warrant of arrest batok ni Bedol alang gihapon sa kasong contempt nga gipasaka batok niya sa komisyon. Miingon si Comelec Chairman Sixto Brillantes nga napaso na niadtong tuig 2008 ang unang warrant of arrest nga gi-isyu kaniya sa komisyon niadtong tuig 2007. Kahinomduman nga nauna nang napahamtangan og unom ka bulan nga pagkabilanggo si Bedol alang sa kasong contempt tungod sa wala pagpakita niini sa mga gipatawag nga pagdungog kaniadto sa Comelec. (PIA-Bohol/ecb)

Comelec, miseguro nga mosunod sa mahimong desisyon sa SC kalabot sa ARMM elections

TAGBILARAN CITY, Bohol, July 5 (PIA)–Miseguro ang Commission on Elections (COMELEC) nga andam silang mosunod sa mahimong desisyon sa Korte Suprema sa mga petisyong gipasaka nga mikuwestyon sa balaod nga nagbalhin sa piniliay sa Autonomous Region in Muslim Mindanao (ARMM) sa Agosto 8.

Matud pa ni Comelec Chairman Sixto Brillantes, gihulat na lamang nila ang mahimong pinal nga aksyon sa Korte Suprema ug andam silang mosunod niini.  Kun imando sa Korte Suprema nga ipadayon ang piniliay sa ARMM, mangayo sila og dugang duha ka buwan aron maandam ang tanang mga kinahanglanon apan mahimong mano- mano na lamang kini og dili na automated tungod sa kakulang sa preparasyon.

Gipahayag ni Brillantes nga apil sa mga pagpangandam sa Comelec ang bidding ug printing process nga nanginahanglan og igong panahon. (PIA-Bohol/ecb)