Comelec, mohimo’g imbestigasyon sa mga alegasyong pagpanikas sa mga milabay’ng piniliay

TAGBILARAN CITY, Bohol, July 18 (PIA)–Mohimo og imbestigasyon ang Commission on Elections (Comelec) sa mga gibutyag nilang kanhi Maguindanao Election Supervisor Lintang Bedol ug kanhi Autonomous Region in Muslim Mindanao (ARMM) Governor Zaldy Ampatuan kalabot sa mga giingong pagpanikas niadtong tuig 2004 ug 2007 nga piniliay.

Matud pa ni Comelec Commissioner Armando Velasco, angay nga matuldukan na ang mga alegasyong pagpanikas sa mga milabay nga piniliay. Gitumbok usab ni Velasco nga angay nga adunay ikapakita nga mga dokumento silang Bedol ug Ampatuan aron mapamatud-an nga dunay nahitabong pagpanikas.

Samtang mag-isyu ang Comelec og alias warrant of arrest batok ni Bedol alang gihapon sa kasong contempt nga gipasaka batok niya sa komisyon. Miingon si Comelec Chairman Sixto Brillantes nga napaso na niadtong tuig 2008 ang unang warrant of arrest nga gi-isyu kaniya sa komisyon niadtong tuig 2007. Kahinomduman nga nauna nang napahamtangan og unom ka bulan nga pagkabilanggo si Bedol alang sa kasong contempt tungod sa wala pagpakita niini sa mga gipatawag nga pagdungog kaniadto sa Comelec. (PIA-Bohol/ecb)

Comelec, miseguro nga mosunod sa mahimong desisyon sa SC kalabot sa ARMM elections

TAGBILARAN CITY, Bohol, July 5 (PIA)–Miseguro ang Commission on Elections (COMELEC) nga andam silang mosunod sa mahimong desisyon sa Korte Suprema sa mga petisyong gipasaka nga mikuwestyon sa balaod nga nagbalhin sa piniliay sa Autonomous Region in Muslim Mindanao (ARMM) sa Agosto 8.

Matud pa ni Comelec Chairman Sixto Brillantes, gihulat na lamang nila ang mahimong pinal nga aksyon sa Korte Suprema ug andam silang mosunod niini.  Kun imando sa Korte Suprema nga ipadayon ang piniliay sa ARMM, mangayo sila og dugang duha ka buwan aron maandam ang tanang mga kinahanglanon apan mahimong mano- mano na lamang kini og dili na automated tungod sa kakulang sa preparasyon.

Gipahayag ni Brillantes nga apil sa mga pagpangandam sa Comelec ang bidding ug printing process nga nanginahanglan og igong panahon. (PIA-Bohol/ecb)

Failure of elections i-deklara sa ubang dapit sa Lanao del Sur ug Maguindanao

KUSGANONG gi ingon sa Comelec nga daku ang posibilidad nga ma-deklara ang failure of
election sa pila ka dapit sa Lanao del Sur ug Ma-guindanao.

Matud pa ni Dir. Teofisto Elnas Jr. sa Election and Barangay Affairs Division (EBAD) sa
Comelec, kauban sa mga girekomenda nga adunay failure of election ang mga lungsod sa
Tamparan, Butig ug Tugaya sa Lanao del Sur ug sa mga lungsod sa Datu Unsay ug Salibu
sa Maguindanao.

Apil sa mga gikatahong problema sa maong mga lungsod ang pang-harass sa mga election
officer nga maoy hinungdan nga nangahadlok ug wala nila nabuhat ang ilang katungdanan.

Apan bisan pa niini, gipasabot sa maong opisyal nga ang Comelec en banc pa gihapon ang
katapusang modesisyon mahitungod sa pag-deklara ug failure of election. (PIA)

“Sekyu” gidid-an sa Pagbitbit og armas

ANG mga security guards nga magbitbit og armas pag-uli sa panimalay gikan sa trabaho mahimong
makasuhan sa nagpadayon nga gun ban.

Aron segurohon ang linaw ug hapsay nga piniliay sa barangay ug Sangguniang Kabataan karong
Oktubre 25, gipahigayon na sa hiniusang bahan sa kapolisan, COMELEC ug army ang mga
checkpoints kalabot niini.

Matud ni Comelec Provincial Election Supervisor Atty Eliseo Labaria sa Kapihan sa PIA, usa nagdto sa
unom ka tuig ang mahimong silot sa masakpang magbitbit og armas sa panahon sa gunban, ilabi na
sa panahon sa piniliay.

Kay espesyal ang balaod niini, gipasabot ni Labaria nga bisan pag may tukmang papeles ang
nagbitbit sa armas apan wala maapil sa mga gitugotan sa Comelec nga magpatuman sa kahusay
ug kalinaw sama sa mga otoridad, mahimong delikado kon masakpang may armas karon.

Natigum na ang hiniusang bahan sa kapolisan, military ug Comelec aron sabotan ang pamaagi
sa pagpahimutang sa mga checkpoints alang sa maong katuyuan, taho ni Atty Labaria. (PIA)

Comelec: Walay drug test alang sa mga magpapili sa SK, Barangay eleksyon

WALA gikinahanglan ang drug test alang sa mga magpapili sa bisan unsang posisyon sa umaabot nga Sangguniang Kabataan ug barangay eleksyon sa Oktubre 25, kini matud pa ni Bohol Provincial Election Supervisor Eliseo Labaria.

Sa usa ka pagpakig-pulong, si Labaria niluwat sa maong pamahayag tungod kay wala may polisiya ang Comelec nga nag-require sa mga magpapili nga mopaubos og drug test sa pagpahigayon sa piniliay og sa filing sa certificate of candidacy nga magsugod sa Oktubre 1, 2010.

Ang Comelec mopahigayon sa piniliay balik sa manual nga eleksyon o dili na mogamit sa poll count optic scan (PCOS) machines.

Matud pa ni Labaria nga ang Comelec ni re-clustered sa mga presinto sa mga botante, ug gi-ubsan ang gidaghanon sa mga mo botar ngadto sa 500 sa 2 o 3 ka clustered presincts gikan sa liboan nga naghuot sa lima ka presinto atol sa milabay’ng Mayo 10, 2010 nga piniliay.

Ang pag-ihap sa mga balota human sa piniliay himuon sa karaan nga pamaagi, gamit sa ballot boxes. (PIA-Bohol)