Mga foreign national nga molapas sa Alien Registration Act, mabilanggo

 

 

MANILA, January 31 (PIA)–Gipasidan-an sa Bureau of Immigration (BI) ang tanang langyaw nga nia sa nasod nga mahimo silang mabilanggo ug makabayad og multa kun mapakyas sa paglihok sa ilang dokumento sa dili pa ang Marso 3 ning tuig.

 

Matud pa ni Immigration Commissioner Jaime Morente, agi og pagsunod sa Republic Act 562 o Alien Registration Act, adunay 60 ka adlaw lamang matag tuig ang tanang langyaw nga moadto sa buhatan sa BI sa Manila o sa bisan asang immigration field o satellite offices nila sa tibuok nasod aron mobayad sa tinuig nga bayronon kun annual fee.

 

Matud pa sa maong buhatan nga dili na kini nila i-uswag pa mao nga posibleng maaresto o madeport ang bisan kinsang langyaw nga dili mosunod sa gitakda sa balaod.(ecb/PIA7-Bohol)

 

Submit a Comment