EO sa ‘hotline 8888,’ gilagdaan na ni Duterte

MANILA, October 27 (PIA)–Gilagdaan na ni Presidente Rodrigo Duterte ang Executive Order No. 6 nga pormal nang nagtukod sa “8888” isip citizens’ complaint hotline.
Nakalatid sa maong EO ang mandato sa 8888 isip usa ka mekanismo diin mahimong mosumbong ang katawhan kalabot sa red tape o kahiwian sa mga ahensya sa gobyerno ug uban pang may kalabotan nga opisina sa gobyerno.
Pamunoan kini sa Office of the Cabinet Secretary nga gidumala karon ni Kalihim Leoncio Evasco Jr.
Mahimong mosumbong sa 8888 pinaagi sa text message, email, website ug sa social media.
Bukas kini 24/7 gawas na lamang kun holiday o suspendido ang trabaho.
Kun adunay mosumbong sa 8888, i-refer nila kini sa ahensyang hingtungdan alang sa mahimong lakang nila aron masulbad ang reklamo ug kinahanglan silang magbaton og konkretong aksiyon sulod lamang sa 72 oras.
Nagsugod na niadto pang Agosto 1 ang 8888 hotline apil na ang 911 emergency hotline, apan niadtong Oktubre 14 lamang nalagdaan sa Presidente ang pormal nga institutionalization sa maong emergency hotline. (ecb/PIA7-Bohol)

Submit a Comment