Duterte, misaad nga tapuson ang ASG, korapsiyon

MANILA, January 9 (PIA)–Subling gitumbok ni Presidente Rodrigo Duterte ang iyang kampanya batok sa korapsiyon ug tinguhang tapuson na ang mga teroristang Abu Sayyaf sa gipangunahang command conference sa mga lider sa Philippine National Police (PNP) ug Armed Forces of the Philippines (AFP) ning bag-o lang.

Ang command conference mao ang tinuig nga panagtapok sa mga security officials sa nasod kauban ang Presidente nga mao ang commander-in-chief.

Apil sa nitambong sa command conference sa Malakanyang sila AFP Chief of Staff Lt. Gen. Eduardo Año, PNP chief Dir. Gen. Ronald Dela Rosa ug mga nagkalain-laing commanders sa AFP ug PNP units.

Matud pa ni Presidential Spokesman Ernesto Abella, sa maong command conference nahatagan og security update ang Presidente kalabot sa kasamtangang national security situation ug law enforcement activities sa PNP.

Dugang pa ni Abella, nisunod niini ang guidance ni Presidente Duterte kalabot sa pagbatok sa korapsiyon, apil na usab ang pagbatok sa ilegal nga droga ug terorismo.

Gibalik usab sa commander-in-chief ang iyang tinguha nga mahunong na ang pagpanghasi nga gipanghimo sa Abu Sayyaf. (ecb/PIA7-Bohol)

Submit a Comment