DOTr, nipasidaan batok sa solicitation nga nangayo’g tabang alang sa mga biktima sa Davao

TAGBILARAN CITY, September 26 (PIA)–Nipasidaan ang Department of Transportation (DOTr) sa publiko batok sa mga mangingilad nga nigamit sa pangalan sa ilang buhatan.
Kini human niabot sa Kalihim nga may pipila ka personalidad nga nagsuroy-suroy gamit ang pangalan sa DOTr aron mangayo og tabang alang sa mga nabiktima sa pagboto sa Roxas Night Market sa syudad sa Davao niadtong Setyembre 2.
Gi-klaro ni DOTr Kalihim Arthur Tugade nga wala bisan kanus-a sila nihimo og ingon adtong matang nga lakang aron lamang itabang sa mga biktima.
Gawas sa Transportation Department, may pipila usab ka nigamit sa pangalan ni Davao City Mayor Inday Sarah Duterte nga susamang modus operandi diin mangayo og tabang alang sa mga biktima sa pagpamomba sa syudad sa Davao. (ecb/PIA7-Bohol)

Submit a Comment