TAGBILARAN CITY, May 4, (PIA) –Tumong sa Department of Environment and Natural Resources (DENR) nga pun-on ang 101,272 ektaryas nga mga luna sa Bohol sa kakahoyan hangtud sa 2020.
Kini maoy gipaambit ni Provincial Environment and Natural Resources Officer (PENRO) Nestor Canda, didto sa pagpakighinabi didto sa Magtangtang Danao.
Atul sa Kapihan sa PIA sa milabay nga semana, gibutyag ni Canda nga tumong sa DENR nga abton ang us aka kwarter sa kadak-on sa yuta sa Bohol aron tamnan.
Anaa sa 411,726 ka ektarya ang Bohol u gang ¼ niini naa na sa us aka gatus ka libo ka ektarya.
Hinuon, karon, anaa na sa dul-an sa 700,000 ka ektaryas sa Bohol ang natamnan og kahoy, bisan pa nga may dul-an na sa 400 ka ektarya ang nadaut dala sa mga pagsunog, segun sa DENR.
Gani, sa sunog, giduso sa kagamhanan ang pagpili sa mga kahot nga makigharung sa sunog sama sa narra ug teak, aron dili laktud mahanaw ang mga gihagu-an sa katawhan.
Hinuon, madasigon ang DENR nga bisan pa, kasagaran sa ilang gitakda nga target sa pagpananum, ilang nalapasan pa inig human sa tuig.
Niadtong 2011 pananglit, samtang nagtarget ang DENR sa 17,861 hectaryas nga tamnan, nikabat sa 19,775 ka ektaryas ang ilang nakab-ot, patin-aw ni Canda.
Gawas sa kasamtangan nga 70 mil ka ektaryas nga natamnan na sa DENR, daghanang mga proyekyo ang karon ilang gipasugdan aron tabangan sa mga komunidad ang pagpananum, ilabi na sa mga karaang kahoy nga hinay nang nangawala.
Kauban sa mga proyekto sa DENR ang bag-ong gilusad nga Intergrated Natural Resources and Environment Management Project (INREMP), ang nagkadako nga Assisted Natural Regeneration ug ang pipila pa ka Community Based Forest Management Agreements (CBFMAs) butyag ni Canda. (rac/PIA-7/Bohol)
