Mga taga Mindanao mihangyo ipa-tin-aw ang mga lugar nga nalakip sa “travel ban”

MIHANGYO na ang mga opisyal sa Surigao del Norte ngadto sa mga embahadang langyaw nga itumbok sa ilang advisories ang mismong lugar nga dili paadtoan sa ilang mga tawo, ilabi na sa Mindanao.

Dili ang tibuok Mindanao ang may nagpadayong kagubot, matud ni Bokal Melba Garcia sa Surigao del Norte dungan sa usa ka pakighibani sa media atul sa pagbukas sa 14th Siargao International Surfing Cup.

Kini usab nga hangyo gidasonan sa Department of Tourism pinaagi ni Caraga Regional Director Letecia Tan, kinsa mipadayon sa pagbutyag nga dili makatarunganon nga ang mga lugar nga malinawon sa Mindanao ilakip sa travel ban.

Nini, naghinaut pa gihapon ang mga taga Mindanao, ilabi na kadtong wala malakip sa kagubot nga magpadayon ang pag-abot sa mga turista didto, bisan sa travel advisories nga naluwatan sa mga embahada. (rachiu/PIA)

Tags: Mindanao, travel ban
Posted in Headlines, National News | No Comments »

Palasyo mihimo og imbestigasyon kahabin sa `Air Assault’ sa militar didto sa Mindanao

Usa ka masusing imbestigasyon ang gimando sa Malakanyang kahabin sa pag-pamomba sa usa ka eroplano sa militar sa mga suspetsadong grupo sa MILF sa Mindanao. Sumala pa sa taho, unom ka sibilyan ang nanga-angol.

Matud pa ni Kalihim sa Prensa Jesus Dureza, tan-awon kon aduna bay “extreme need” o gikinahanglanon ba gyud ang pag-gamit ug kusog sa militar nga ila mang gi-labag ang “operational guidelines.”

Adunay “operational guidelines” nga gi-dili ang paggamit ug bomba ug dagkong kalibreng armas sa panahon sa Ramadad.

Kon gamiton man gani ang ing-ining kusog sa militar, gitu-ohan nga adunay “extreme need” nga nakita. Kon wala, ang palisiya nga dili mogamit og bomba maoy tumanon, apas sumpay ni Dureza.

Sumala sa pasi-unang taho migawas nga mipa-ulan ug bala ang grupong MILG lulan sa 10 ka pumpboats sa milabay nga abyon sa militar, gumikan nga kini mibalos.

Bisan pa sa maong taho, kinahanlan gihapong imbestigahan ug susihon kon adunay bay sayop nga nahimo sa militar o napugos lang ba sa maong sitwasyon. (PIA/Bohol)

Tags: Air Assault, MILF, Mindanao
Posted in Headlines, National News | No Comments »

Mga lider sa Mindanao milagda og kasabutan tali sa kalinaw

Mga kadagkuhan sa nagkalailaing pundok sa relihiyon ug kultural sa Mindanao; lakip na ang duha ka pamunuan sa probinsya sa Lanao ug mga lungsod sa Iligan ug Marawi, bag-uhay nga nagpimahanay ug kasabutan tali sa kalinaw.

Ang maong `peace covenant’ resulta sa serye sa panasulti-ay nga gihimo sa Muslim-Christian Multi-sectoral Movemment pasa sa kalinaw ug kalambuan didto sa Lanao.

Matud pa sa Mayor sa Iligan nga si Lawrence Ll. Cruz, ang gihimong kasabutan ug panag-pirmahanay, kina-unhang lakang nga nahimo aron makab-ot ang kahaypsay ug kalinaw human sa pag-atake sa mga rebeldeng MILF didto sa North Cotabato ug Lanao del Norte.

Ang gihimong pang-atake ug kagubot sa MILF sa mga lugar sa Kolambugan ug Kauswagan, dili lang mi-resulta sa pagpatay sa mga inosenteng sibilyan, pag-pangsunog sa kabalayan, ug pag-pangguba sa mga katigayunan, kini usab naka tandog sa maayong relasyon ug kooperasyon tali sa Kristiano ug Muslim sa maong dapit, gipatinaw ni Cruz. (PIA/Bohol)

Tags: Iligan Mayor Lawrence Ll. Cruz, Mindanao, Muslim-Christian Multi-sectoral Movemment, peace covenant
Posted in Headlines, National News | No Comments »