GAWAS sa gilantaw nga buhis nga mahipos sa kagamhanan sa pagpatuman sa akreditasyon sa mga kompanya sa insurance nga magtanyag sa Compulsory Third Party Liability (CTPL) daku usab ang matigum sa nga mokuha kon I-take over sa kagamhanan ang pagpatuman niini.

Direkta nga benepisyo ngadto sa tag-iya sa sakyanan ang madawat kay P325 ang matigum kay inay P900 ang bayad sa pribadong mga sakyanan. Dako usab ang makuha sa P950 nga kanhi bayad sa pagkuha ug CTPL sa mga jeepney kay P575 na lang kon ipaagi sa GSIS.

Ang mag tag-iya ug light truck nga kasamtangang gikobrahan ug P980 alang sa CTPL mobayad na lang ug P625.

Ang mga magparehistry sa motorsiklo makabulsa ug P85 sa GSIS CTPL policy, komparar sa kanhi nga gitingil nga P350.

Sa kahadlok nga imonopoliya sa GSIS ang CTPL, si abogada Star Elamparo mobutyag nga gawas sa pagdumala sa GSIS si CTPL, mga 20% lang sa CTPL ang huptan niini.

Ang GSIS, sukad pa niadto nga nagdawat sa CTPL sa panahon ni Pres. Ferdinand Marcos subay sa Letter of Instruction 191 nga naghulma sa Philippine Motor Vehicle Liability Pool.

Niadto usab nga panahon, ang CTPL alang sa pribadong sakyanan gihuptan sa usa ka consortium sa mga private insurance companies uban sa GSIS.

Ang GSIS karon may naghupot sa CTPL sa mga sakyanan sa goberno. (rachiu/PIA)

Headlines