Gibuhi ug balik ni Presidente Gloria Macapagal-Arroyo ang Presidential Task Force on Energy Contingency kon PTFEC sa tigum sa Kabinete didto sa La Union.

Gitaga-an usab kini ug 15 ka adlaw sa pagsumiter og mga plano ug programa kon unsaon pagsagubang sa nagsakang presyo sa lana.

Tungod niini, ang PTFEC nga gipamunu-an ni Executive Secretary Eduardo Ermita, mo-palihok sa grupo sa mga “academe” aron paghipno og usa ka “contingency plan” batok sa nasinating kalibutanong krisis.

Matud pa ni Ermita, dako kaayo og matabang ang “academe” sa ilang pagtu-on ug paghimo og mga nagkalain-laing lakang kon unsaon pagsagubang sa isyu; ug kon angayan ang ilang plano, mosanong dayon ang kagamhanan.

Ang Task Force mo-lantaw usab sa pag-implementar sa “one-time P500 lifeline subsidy” sa mga banay nga mi-konsumo sa ubos ka 100 kilowatt kada oras nga kuryente sa matag bulan, ug ubang mga pamaagi aron matabangan sa kagamhanan ang mga kabus sa pagsagubang sa nagsakang presyo sa lana ug mga pagkaon. (PIA/Bohol)

National News