Bohol News Daily

News, Events, Press Release and Updates in Bohol and Around the Philippines

Peace councils sa mga lungsod sa Bohol ipa-reactivate

Written by magnolia_eic on 15 July 2010

SI Gov. Edgar Chatto nanawagan sa mga mayor sa lungsod sa Bohol sa pagpalig-on sa nagkada-iyang Municipal Peace and Order Councils kon MPOCs agig tubag sa nagka saka nga insidente sa pagpanolis sa pipila ka lungsod.

Matud pa sa gobernador nga nga MPOCs magsilbing stable groundwork alang sa Provincial Peace and Order Council kon PPOC.

Sa unang PPOC meeting nga gipatawag ni Chatto niadtong Lunes, ang gobernador ni ingon nga iyang paningkamutan nga ang kada lungsod magbaton og regular bodies nga gi require sa Local Government Code aron ang tanang lungsod sa Bohol makalihok sa samang direksyon sa provincial government.

Mao kini ang tubag sa obserbasyon ni DILG Provincial Director Rustica Mascariñas nga dili tanang lungsod adunay aktibo nga MPOCs.

Si Mascariñas nagkanayon nga ang MPOCs makatabang sa daling paglihok kon adunay kabalaka sa peace and order. Ang sugyot niya nga magtukod og coordination system nga mo monitor sa kriminalidad, gi konsidera usab.

Gi sugyot usab ni Mascariñas nga ang mga miyembro sa PPOC kinahanglang mapahibalo dayon sa bisan unsang krimen ug dili na mohulat pa sa mosunod nga PPOC meeting nga ipatawag sa gobernador. (PIA-Bohol)

Bookmark or Share this Article to