TUNGOD sa subsidy, dili sayon sa kagamhanan ang magpakunhod sa presyo sa bugas nga National Food Authority (NFA), matud ni Presidente Gloria Macapagal-Arroyo.

Sumpay sa Presidente, nagkinahanglan kini ug usa ka pag-aprobar sa Kongreso aron mapadak-an ang pahat alang niini sa nasudnong budget.

Mibutyag ang Presidente nga daghan nang Kongresista ang mireklamo nga pakubsan pa ang presyo sa tag P18.50 nga humay.

Hinuon, gipasabot usab sa Presidente nga hayan may masakripisyo usab sa budget, aron kapungan nga dili mobola ang deficit ug mosulbong ang interest rates.

Gipalit sa kagamhanan ang bugas sa silingang nasud sa regular nga presyo. Unya, aron pagtabang sa mga kabus, gibaligya kini sa NFA sa kubos nga bili. Ang alkanse sa presyo, matud pa, maoy gi-subsidize sa kagamhanan.

Bisan pag gipalit nato sa espesyal nga presyo ang atong bugas sa mga higalang nasud, ang nagkataas nga presyo sa palit nagpuno kanunay sa subsidy, maoy hinungdan sa lisud nga ipaubos ang presyo sa NFA, panapos sa Presidente. (rachiu/PIA)

National News