Cabinet meeting maghusay sa away sa Meralco-GSIS
GIKOMPIRMAR ni Office of the President Undersecretary Jose Cepedocia nga usa sa mga hisgutan sa Cabinet Meeting nga pangunahan ni Presidente Gloria Macapagal Arroyo sa usa ka resort dinhi sa Bohol karong adlawa mao ang paghusay sa Manila Electric Company (MERALCO) ug sa Government Service Insurance System (GSIS).
Kagahapon atul sa press briefing didto sa GPG Hall sa Kapitolyo, si Cepedocia mibutyag nga usa sa mga agenda sa Cabinet Meeting sa pagbisita sa bahan sa Presidente dinhi sa Bohol mao ang nasangpit nga hisgutanan.
Dugang ni Cepedocia, mismo si GSIS Winston Garcia ug mga tinugyanan sa MERALCO mahidangat atul sa tigum uban sa Presidente.
Mahidangat si Presidente Gloria Macapagal Arroyo ug ang iyang Kabinete sa Bohol karon aron sa paglubong sa time capsule isip pormal nga sinugdanan sa P4.2 bilyones nga airport nga tukuron sa Panglao.
Ang proyekto sa Panglao Bohol International Airport gamitan sa P3B nga corporate funds sa Manila International Airport Authority (MIAA) ug tugbangan usab sa mga pundo sa Department of Transportation and Communication (DOTC), dugang ni Tirso Serrano sa MIAA gahapon.
Human sa unang engagement sa Presidente, modiretso siya sa Panglao Island Nature Resort sa Bingag Dauis, isla sa Panglao aron pangunahan ang Cabinet Meeting nga gitakda didto. (rachiu/PIA)
Most popular tags: 2010 elections Aquino Armed Forces of the Philippines Armed Forces of the Philippines (AFP) Bohol bohol tourism Catigbian Chatto Chocolate Hills climate change comelec daily Danao Department of Education Department of Health Election 2010 Governor Edgar Chatto Jagna port Malacanang mar roxas MILF Mindanao Moro Islamic Liberation Front Moro Islamic Liberation Front (MILF) murder National Crime Prevention Week news noynoy aquino PAGASA Panglao airport peace talks PGMA Philippine economy Philippine National Police (PNP) Philippines President Benigno Aquino III Presidente Gloria Macapagal-Arroyo President Gloria Arroyo President Gloria Macapagal-Arroyo rice Supreme court Tagbilaran City Tubigon Tubigon port typhoon Basyang