Bohol News Daily

News, Events, Press Release and Updates in Bohol and Around the Philippines

Magbantay sa bacterial leaf streak ilabi na sa nag-“hybrid” – PhilRice

Written by anyajulia on 20 August 2008

NING panahon sa ting-uwan, nagpahimangno ang Philippine Rice Research Institute (PhiliRice) ngadto sa mga mag-uuma nga nagtanum ug hybrid nga matang, mag-amping aron ang tanum dili matakbuyan sa bacterial leaf streak (BLS).

Matud ni Dr Hoai Xuan Troung, plant pathologist sa PhilRice, ang BLS may sama ug timailhan sa bacterial leaf blight. Apan ang BLS mas dali mabantayan kay kini motungha sulod sa 40-50 ka adlaw human sa pagtanum.

Kon maigo ang pananum, mopakunhod kini sa ani gikan sa 10 ngadto sa 20%, dugang niya.

Aron kalikayan ang BLS nga naa na sa Nueva Ecija karon, giaghat sa PhilRIce nga tarungon ang tukmang drainage sa humayan aron dili magpundo ang tubig sa luwang.

Mituo nag PhilRice nga daghang mag-uuma nga maapektohan niini, ilabi na niadtong nagtanum sa hybrid nga matang sa humay. Ang hybrid labing maayo na itanum dili sa ting-uwan.

Niini, matud sa PhilRice nga angayan nga mag-spray na ug fungicide sa dili pa ang 40-50 ka adlaw sukad pagtanum. Ang pagspray usab kinhanglang dili ityempo sa ting-uwan kay ikabanlas ra gihapon ang pamatay-bacteria. (rachiu/PIA)

Bookmark or Share this Article to