Bohol News Daily

News, Events, Press Release and Updates in Bohol and Around the Philippines

Intelligence funds ni P’Noy Mokabat og P650 milyones

Written by magnolia_eic on 09 September 2010

P650 milyones ang pundong kakuhaan ni Presidente Benigno S. Aquino agi og intelligence funds.
Segun sa mga taho sa nasudnong mantalaan, ang P500 milyones niana pundo alang sa Presidential Anti-Organized Crime Commission niadto, apan gipapas na ni P’Noy ug gipulihan sa Anti-Transnational Organized Crime Commission (ATOCC).
Kini bisan wala pay piho nga kasayuran kon napirmahan na ba sa Presidente ang balaod sa kamugnaan sa ATOCC.
Makita sa gisugyot nga P1.645-trilyones sa 2011 national budget, nga P525 milyones ang kapital nga gihatag sa Presidente alang sa ATOCC, nga naglakip sa P500 milyones nga confidential ug intelligence expenses nga kabuhian subay sa pagdason sa Office of the President.
Ang nahimiling P25 milyones alang sa sweldo sa mga trabahante sa buhatan matag tuig.
Nasigpatan usab sa mga tigpaniid ang laing P150 milyones nga gisukip ni P’Noy didto sa P1.4 bilyones nga general administration ug support services ug kini alang sa confidential ug intelligence expenses nga itugyan subay sa pagdason sa Presidente.
Sumada sa mga entrada nga nahisgutan, labing menos P650 milyones sa intelligence funds ang gunitan ni Pnoy sama usab sa diha sa disposal sa kanhi Presidente Arroyo sukad sa 2001 hangtud sa 2020.

Bookmark or Share this Article to