Bohol News Daily

News, Events, Press Release and Updates in Bohol and Around the Philippines

Edukasyon, kakabus ug trabaho kasagaran nga atimanon sa mga kandidato atol sa unang candidate’s forum sa HNU

Written by boholbalita on 09 March 2010

EDUKASYON, kakabus ug trabaho maoy kasagaran nga atimanon sa mga magpapili sa umaabot nga eleksiyon atol sa gihimong Candidates’ Forum sa Holy Name University gym sa dakbayan sa Tagbilaran niadtong Biyernes sa gabii.

Nitambong sa maong forum nga dunay temang Choices and Voices mao sila si Kongresista Edgar Chatto sa unang distrito sa Bohol, Bise Gobernador Julius Cesar Herrera ug Cesar Montano nga pulos magpapili sa pagka-gobernador.

Nitambong usab sila si kanhi Gob. Rene Relampagos, Konsehal Oscar Glovasa nga magpapili isip representante sa unang distrito.

Lakip nga nitumaw mao si Mayor Dan Lim ug Bise Mayor Jose Antonio Veloso kinsa maoy magtakus sa pagka-mayor sa siyudad.

Ang matag kandidato gihatagan nga makasulti ug tulo ka minutos ug pagkahuman gipangutana kun unsay buhaton sulod sa 100 ka mga adlaw sa ilang paglingkod kun maoy palaran nga modaug sa piniliay.

Si Chatto ug Herrera pulos namahayag nga ilang ipadayon ang ilang mga nahimo sud sa ilang paglingkod sa kagamhanan samtang si Montano nipunting nga iyang bag-ohon ang pamulitika sa Bohol diin iyang paningkamutan nga wad-on ang korapsiyon.

Samtang si Lim ningon nga iyang tiwason ang iyang mga nasugdan nga mga proyekto sa dakbayan ug sa iyang bahin, gibutyag ni Veloso nga iyang bag-ohon pamalakad sa city hall ug ipa-implemtar ang anti-red tape. (Andy Nalzaro)

Bookmark or Share this Article to