DLSU president nidawat sa tanyag ni Aquino nga himuong kalihim sa DepEd
SI Bro. Armin Luistro, ang pangulo sa De La Salle University kon DLSU sa Manila, nidawat na sa tanyag ni President-elect Benigno “Noynoy” Aquino III nga mamahimong kalihim sa Department of Education kon DepEd ubos sa iyang administrasyon.
Matud pa sa usa ka pahayag nga gipagawas sa DLSU niadtong Miyerkoles, si Bro. Armin Luistro nidawat sa imbitasyon ni President-elect Aquino nga mamahimong kalihim sa DepEd human kini nagpakisayud sa nagkalain-laing stakeholders sa Lasallian community.
Sa pagdawat sa tanyag ni Aquino, si Luistro — usa ka miyembro sa De La Salle Brothers in the Philippines — maoy ika-unom nga miyembro sa Aquino official family.
Ang ubang nidawat na sa posisyon ubos sa Aquino administration nag-apil nilang – manlalaban Paquito “Jojo” Ochoa Jr. (executive secretary), manlalaban Edwin Lacierda (presidential spokesperson), Corazon “Dinky” Soliman (Social Welfare and Development chief), ug Teresita “Ding” Deles (presidential peace adviser).
Giangkon usab ni Commission on Human Rights kon CHR chairperson Leila de Lima nga apil siya sa Aquino’s Cabinet apan nagdumili kini pagbutyag kon unsa nga posisyon. Adunay taho nga si de Lima ang himuong kalihim sa Department of Justice kon DOJ.
Si Luistro, kauban ang ubang De La Salle Brothers, suod sa pamilyang Aquino ilabi na sa inahan ni Noynoy, si kanhi President Corazon “Cory” Aquino. Si Luistro ang nihatag og homily nga giulohan og “Cory, the Heart of a Saint” atol sa haya niini sa La Salle Greenhills Gymnasium sa Mandaluyong City niadtong Agusto. (PIA-Bohol)
Most popular tags: Aquino Administration Armed Forces of the Philippines Armed Forces of the Philippines (AFP) barangay elections Bohol Bohol crimes bohol local news Bohol news Bureau of Internal Revenue comelec Commission on Elections Commission on Elections (Comelec) daily Department of Agriculture Department of Education department of foreign affairs Department of Health Department of Health (DOH) Department of Justice Election 2010 Governor Edgar Chatto Malacanang MILF Mindanao Moro Islamic Liberation Front Moro Islamic Liberation Front (MILF) news noynoy aquino overseas filipino workers PAGASA peace talks PGMA Philippine economy Philippine National Police Philippine National Police (PNP) Philippine news Philippines PNP President Benigno "Noynoy" Aquino III President Benigno Aquino III PRESIDENT Benigno S. Aquino III President Gloria Macapagal-Arroyo Reproductive Health Bill Supreme court Tagbilaran City