GIDEPENSAHAN sa Bise Presidente ang lakang ni Presidente Gloria Macapagal Arroyo sa pagsupak sa pagtangtang sa Expanded Value Added Tax (EVAT) sa lana, atul sa pagpakighinabi sa media.

Kahinumduman nga una na nga gisugyot sa nagkadaiyang sektor sa katilingdan lakip na ang mga Obispo sa Pilipinas ang pagwagtang sa buhisan sa lana.

Kini dungan sa pagtuo nga ang pagwagtang sa dugang buhisan sa lana may gahum nga maka-pakanaug sa presyo sa gasoline ug produktong lana.

Ang gasolina mao usay kasagaran gibasehan sa pagsaka sa presyo sa mga produktong pagkaon.

Si Noli de Castro, kinsa maoy pinasidunggang dinapit sa ika 154 nga tuig kasumaran sa pagka-lalawigan sa Bohol mibutyag nga ang pagtang-tang sa buhisan sa lana, maka-hikaw sa kagamhanan sa buhisan nga karon maoy gigamit sa pagsubsidize sa mga panginahanglan sa mga kabus ning nasud.

Dugang niya, ang pagwagtang sa EVAT sa lana makabenepisyo sa mga adunahan, sahi sa Katas nga VAT nga adto gayud moderecho sa sa buot katabangan sa kagamhanan.

Kini samtang si Presidente Arroyo sa samang adlaw didto usab sa Mindanao aron paglusad sa Katas ng VAT, nga naglakip sa pagpanghatag sa mga subsidy gikan sa EVAT nagdto sa mga kabus. (rachiu/PIA)

Headlines