DUNAY usa ka quarter ning tuig nga ang madawat nga Internal Revenue Allottment sa kalungsuran gamay ra, apan pasabot ni Kongresista Edgar Chatto, mas daku pa gihapon ang kinatibuk-ang madawat nga IRA ning tuig kon itandi sa 2007.

Kini gibutyag ni Chatto sa usa ka pakighinabi sa radyo human nila ikasulti ang mga tinugyanan sa Department of Budget and Management (DBM) sa tigum didto sa Balilihan.

Matud ni Chatto, ilang gidapit kauban sa tulo ka Kongresista sa Bohol ang mga rehiyonal nga tinugyanan kauban sa DBM, PNP, GSIS ug uban pa, aron personal nga ikapatin-aw sa mga ang mga hisgutanan nga buot mahayagan sa mga mayor.

Usa na niini mao ang nabalita sa mga mayor nga posibleng epekto sa gidawat nga pundong pahat sa mga local nga kagamhanan gikan sa nasudnong kagamhanan ning tuiga.

Ang pahayag ni Chatto, matud niya, base usab sa patin-aw sa DBM kinsa mipadala sa ilang tinugyanan didto sa hinan-ay nga tigum sa mga mayor ug opisyal sa lalawigan didto sa Balilihan niadtong Martes. (rachiu/PIA)

Headlines