2 ka motorsiklo nagsungag 1 patay, 3 grabeng naangol – 1 ka pulis angol lakip na ang 2 ka anak sa kanhi bise mayor
USA ang namatay samtang tulo ang grabeng naangol lakip na ang usa ka polis ug duha ka mga babaye nga anak sa usa ka kanhi bise mayor dihang duha ka mga motorsikllo ang nagsungag didto sa barangay Anislag, Corella, Bohol niadtong niaging gabii.
Giila ang biktima nga si Christopher Ranes, 21-anyos, ulitawo, taga-lungsod sa Jagna. Nakaangkon ang biktima og grabeng samad sa ulo ug gikatahong napislat ang itlog niini ug nabali ang paa ug gideklarang dead on arrival kun DOA didto sa Gov. Celestino Gallares Memorial Regional Hospital sa dakbayan sa Tagbilaran.
Samtang naangol mao sila si PO1 Restituto Calimpusan, 26-anyos, ulitawo, pag-umangkon ni Sikatuna Mayor Ireneo Calimpusan ug nagpuyo sa barangay Badiang, Sikatuna, Bohol; Rexel Tocmo, 21-anyos, dalaga kinsa giingong hinigugma ni Ranes ug ang manghud niini nga si Rena Tocmo nga mga anak ni kanhi Bise Mayor Rex Tocmo ug nagpuyo sa Poblacion Corella. Ang tulo pulos gidala sa Ramiro Community Hospital sa siyudad.
Nahitabo ang insidente pasado alas 6 sa gabii niadtong Biyernes samtang si Calimpusan nagmaneho sa usa ka Honda Wave 125 nga dunay kumbinasyon nga kolor nga asul ug itom ug dunay plaka numero 7J 7589 paingon sa direksiyon sa Poblacion Corella gikan sa siyudad ug paingon na untang mopauli sa ilang dapit dihang pag-abot sa utlanan sa Kilometro 8 ug Kilometro 9, ni-overtake siya og laing motorsiklo ug iyang gikasugat ang motorsiklo nga gimanehoan ni Ranes nga usa gihapon ka Honda Wave paingon sa lahi nga direksiyon nga niresulta sa pagkabangga.
Si PO1 Renato Sinajon sa Corella Police Station nibutyag nga si Calimpusan kinsa gikan pa sa Sugbu ug niadto sa siyudad aron mopalit og duyan kay didto na kini madestino sa 704th Regional Mobile Group sa barangay Catagbacan, Loon, Bohol sugod unta ning adlawa.
“Naay gi-obertikan ug nikawas na sa linya ang maong pulis, ” asoy ni Sinajon.
Ang duha ka motorsiklo gidala sa Corella PNP. (Andy Nalzaro)
Most popular tags: Aquino Administration Armed Forces of the Philippines Armed Forces of the Philippines (AFP) barangay elections Bohol Bohol crimes bohol local news Bohol news Bureau of Internal Revenue comelec Commission on Elections Commission on Elections (Comelec) daily Department of Agriculture Department of Education department of foreign affairs Department of Health Department of Health (DOH) Department of Justice Election 2010 Governor Edgar Chatto Malacanang MILF Mindanao Moro Islamic Liberation Front Moro Islamic Liberation Front (MILF) news noynoy aquino overseas filipino workers PAGASA peace talks PGMA Philippine economy Philippine National Police Philippine National Police (PNP) Philippine news Philippines PNP President Benigno "Noynoy" Aquino III President Benigno Aquino III PRESIDENT Benigno S. Aquino III President Gloria Macapagal-Arroyo Reproductive Health Bill Supreme court Tagbilaran City