MANILA, January 30 (PIA)–Nipasidaan ang Bureau of Immigration (BI) sa publiko kalabot sa mga online solicitations pinaagi sa text, e-mails o social media diin gigamit ang mga pangalan sa mga opisyal sa ahensiya aron makapangayo og salapi.
“The public is reminded to be cautious and exercise suspicious alertness in receiving calls and SMS from unknown persons,” matud pa sa pahayag sa BI.
Giingong nadiskubre sa BI nga adunay mga daotang tawo nga malisyosong nigamit sa pangalan sa mga opisyal sa BI sa ilang ilegal nga aktibidad ug nangayo og solicitation alang sa usa ka ‘bogus’ rehabilitation program ug fund raising activities.
Matud pa sa BI, mahimong mosumbong ang publiko kun makadawat og mga on-line solicitations sa telepono (02) 465-2400, 524-3769 local 213 ug 226, 0925-710-4250, 0917-573-3871 ug 0908-894-6644.
Mahimo usab e-report ang bisan unsang ingon niining insidente sa e-mail sa BI sa binoc_immigration@hotmail.ph, sa BI Facebook account, @officialbureauofimmigration o sa ilang Twitter account, @immigrationPH. (ecb/PIA7-Bohol)
