TAGBILARAN CITY, April 21 (PIA)–Nipasidaan ang Commission on Elections (Comelec) nga hugot gayud nilang ipatuman ang liquor ban kalabot sa nagsingabot nga eleksyon.
Sa gipagawas nga Comelec Resolution 10095, nakalatid nga sugod Mayo 8 hangtud 9, bawal ang bisan kinsa nga mo-inom, magbaligya o modalit og bino sa tibuok nasod.
Ang bisan kinsang molapas sa liquor ban mahimong mabilanggo og unom ka buwan hangtud usa ka tuig, kuhaan na usab kini og katungod nga makabotar sa tibuok niyang kinabuhi ug kun empleyado sa gobyerno, bawalan na kining makagunit og bisang unsang posisyon sa gobyerno.
Ang mga langyaw lamang ang dili sakop sa liquor ban.
Apan mahimo usab nga mo-apply og exemption ang mga establisimyentong adunay certification gikan sa Department of Tourism (DoT) nga tourist-oriented sila o ginabisita sa mga langyaw. (ecb/PIA7-Bohol)
